好似用咗美圖app柔膚美肌過咁嘅底妝係點做？
Tips 1
精選高效、易滲透、易被吸收嘅護膚產品作為妝前䕶膚產品，因為越係搽得多護膚產品而吸收得唔好，只係喺皮膚表面，粉底更唔貼、更唔持久。
Tips 2
液體產品最易被皮膚吸收，唔做成負擔，所以可以用棉花重複多次盛載化妝水，輕拍皮膚，直至皮膚有涼快感、變得通透、有彈性，皮膚飲飽水後，粉底自然會貼服、持久、有光澤。
Tips 3
避免用厚毛嘅粉底掃直接沾取粉底液去上底妝，以保持粉底掃乾爽，唔單止可以保持掃毛嘅彈性、避免底妝出現擦痕，亦保持掃嘅衞生，對皮膚嘅健康都有幫助。